Kvívík kom á landakortið fyri nøkrum árum síðan, sum besta pokemon mið í Føroyum, tí bygdin er so á tremur við mentanararvi, at nærum hvørt gøtuhorn varð eitt pokemon stop. Hetta gjørdi, at ungir føroyingar í hópatali valfartaðu til hugnaligu bygdina.
Pokemon dillan er langt síðan farin framvið, men mentanararvurin er tann sami, og henda koma útlendingar og føroyingar í stórum tali enn til Kvívíkar at uppliva.
Tá Kvívíkar kommuna vendi sær til Nudlavirkið, var tað fyri at finna eina góða loysn at vísa fólki hvar tílíkt sum Víkingagrevsturin, Kirkjan, minnisvarðar og bygdasøvn vóru.
Saman funnu vit eina verðurgóða og lættskilliga loysn, ið hóskaði seg til júst Kvívík.
Kommunan valdi í samráð við okkum tvey kunningarskelti, ið standa, har ferðafólk koma til bygdina. Annað er við bygdahúsið og hitt við busssteðgistaðið.
Vit ynskja kvívíkingum eitt gott summar, og øllum teirra gestum góðar lættfunnar upplivingar.
