Nýggjar nudlur

Tveir nýggir ráðgevar eru byrjaðir í starvi á Nudlavirkinum – ella nýggir er nokk at taka munnin ov fullan.

Høgni Berg, ið er online ráðgevi og innihaldssmiður, byrjaði á Nudlavirkinum í juni, tá hann tók við starvi sum summarferiuavloysari. Hetta starvið er frá 1. september gjørt til fast starv. Høgni hevur tikið eina BA í Marketing og Sport Management, og hevur síðan havt ymisk størv innan samskiftisøki. Hann er ein royndur innihaldssmiður, ið á Nudlavirkinum røkir eitt av okkara skjótast vaksandi virkisøkjunum, at umsita heimasíður og sosialar miðlar fyri fyritøkur og stovnar.

Astrid Reinert Mohr er heldur ikki heilt nýggj nudla. Astrid var í starvi á Nudlavirkinum summarið 2015, og var í roynd og veru fyrsta starvsfólkið. Síðan tá hevur Astrid tikið eina kandidatútbúgving í samskifti og KT, og hevur fingið góðar arbeiðsroyndir innan samskiftisøki, bæði í Føroyum og í Danmark.  Astrid byrjaði 15. august sum ráðgevi.

Vit kenna okkum við hesum setanum sera væl brynjaði til tær nógvu uppgávur, ið liggja fyri framman.